කළු ජනවාරිය විරෝධතාවට අධිකරණයෙන් සීමා – ‘නමුත් අපි විරෝධතාවය පවත්වනවා‘ -මාධ්‍ය සංවිධාන

මාධ්‍ය සංවිධාන එකමුතුව විසින් අද සවස කොළඹ කොටුවේදී සංවිධානය කර ඇති “කළු ජනවාරිය” විරෝධතා ව්‍යාපාරය ප්‍රධාන මාර්ගය අවහිර වන ආකාරයෙන් පැවැත්වීම තහනම් කරමින් කොටුව මහේස්ත්‍රාත් අධිකරණය විසින් නියෝග කර තිබේ. නමුත් මෙම නියෝගය නිකුත් කළත් විරෝධතාවය පවත්වන බවත්, මාධ්‍ය සංවිධාන විසින් මෙතෙක් පවත්වන ලද කිසිදු විරෝධතාවයක් ගැටුමක් දක්වා වර්ධනය කර නොගත් බවත් අද ද එය එසේම බවත් නිදහස් මාධ්‍ය ව්‍යාපාරය පෙන්වා දෙයි. එබැවින් සැළසුම් කර ගත් පරිදි මෙම විරෝධය අද සවස 2ට කොටුව දුම්රියපොළ ඉදිරිපිටදී පවත්වන බව මාධය සංවිධාන පවසයි.

නමුත් අධිකරණය මෙම නියෝගය නිකුත් කළේ කොටුව පොලීසිය විසින් ඊයේ ‍ඉදිරිපත් කරන ලද පැමිණිලක් සලකා බැලීමෙන් අනතුරුවය.

මෙම විරෝධතා ව්‍යාපාරය කඩා කප්පල් කිරීම සඳහා ආණ්ඩුව මුල සිටම උත්සාහ දැරූ අතර විරෝධතාව අතරතුරදී ආරක්ෂක අංශ සමඟ ගැටුමක් ඇති කර ගැනීමේ ප්‍රයත්නයක් තිබෙන බවටද ආණ්ඩුවේ මාධ්‍ය හරහා විශාල ප්‍රචාරයක් ගෙන යන ලදී.

ලංකාවේ මාධ්‍ය මර්දනයට එරෙහිව සංවිධානය කර ඇති මෙම ‘කලු ජනවාරිය‘ විරෝධතාව මර්දනය කිරීමට බළධාරීන් ගන්නා උත්සාහය තුළින්ම ආන්ඩුවේ මාධ්‍ය මර්දනයේ තරම වටහා ගත හැකි බව ද මාද්‍ය සංවිධාන වැඩිදුරටත් පෙන්වා දෙයි.

%d bloggers like this: