මාධ්‍යවේදී ශාන්තගේ ජීවිතාරක්ෂාව තහවුරැ කරන්න

මාධ්‍ය නිවේදනය

මාධ්‍යවේදී ශාන්ත විජේසූරියගේ ජීවිත ආරක්ෂාව තහවුරු කරන්න
නොහඳුනන කණ්ඩායමක් විසින් පසුගිය බ්‍රහස්පතින්දා(ජූලි05) මාධ්‍යවේදියෙකු පැහැරගෙන යාමට දරණ ලද උත්සහයක් වාර්තා වීමෙන් අප සංවිධාන එකතුව බලවත් තිගැස්මකට හා කම්පනයකට පත්ව සිටින අතර, ශ්‍රී ලංකාව තුළ යළි යළිත් මෙවැනි සිදුවීම් වීමට ඉඩතැබීම පිළිබිදව ආණ්ඩුවට සහ ආරක්ෂක අංශවලට අපගේ බලවත් විරෝධය පළ කරන්නෙමු.

මෙම සිදුවීමට මුහුණු දී ඇත්තේ ශ්‍රී ලංකා වෘත්තීය පත්‍රකලාවේදීන්ගේ සංගමයේ විධායක සභිකයෙකු වන නිදහස් මාධ්‍යවේදි ශාන්ත විජේසූරිය මහතා ය. ගවේශණාත්මක වාර්තාකරණයේ යෙදෙන මාධ්‍යවේදියෙකු ලෙස ඔහු පසුගිය කාලය තුළ ශ්‍රී ලංකාවේ ප්‍රබල දේශපාලකයන්ගේ සබඳතා ඇති අපරාධ හා වංචා දූෂණ ගණනාවක් පිළිබදව හෙළිදරව් කර ඇති අතර ඒ හේතුව නිසාම පසුගිය කාලය තුළදී ආරක්ෂක අංශවලට සම්බන්ධ යැයි සැකකරන පිරිස් ඇතුළු නොහඳුනන කණ්ඩායම් ඔහු පසුපස ලුහුබඳිමින් සිටින බවට තොරතුරු ආනාවරණය විය. මේ පිළිබදව ශාන්ත විජේසූරිය මහතා විසින් පොලිස් මූළස්ථානයට සවිස්තරාත්මක පැමිණිල්ලක් සිදු කර ඇතත් ඒ පිළිබඳව ප්‍රමාණවත් අවධානයක් හෝ විමර්ෂනයක් සිදු නොවූ බව අපගේ විශ්වාසයයි.
පසුගිය කාලය පුරා මාධ්‍යවේදීන්ට සහ අදහස් පළකිරීමේ නිරතවූ සමාජ ක්‍රියාකාරිකයන්ට අත්වූ බිහිසුනූ ඉරණමට වගකිවයුතු කිසිවෙකුටත් දඩුවම් පැමිණවීමට රජය සහ ආරක්ෂක අංශ අපොහොසත් වීම තුළ තව දුරටත් එවැනි සිදුවීම් ඇතිවීමට පසුබිම සැකසීමේ වගකීම ආණ්ඩුව විසින් බාරගත යුතුව ඇති අතර අප මේ මොහොතේ යළි යළිත් ඉල්ලා සිටින්නේ මාධ්‍යවේදීන් ඇතුලු අදහස් පළකිරීමේ නිරත සමාජ ක්‍රියාකාරිකයන්ගේ ආරක්ෂාව තහවුරු කිරිීමට කටයුතු කරන ලෙසය.

විශේෂයෙන්ම මේ මොහොතේ තර්ජනයට මුහුණ දී සිටින මාධ්‍යවේදී ශාන්ත විජේසූරිය මහතාගේ ජීවිත ආරක්ෂාව තහවරු කරන ලෙසත්, ඔහුට තර්ජන එල්ල කරමින් ඔහු පසුපස ලුහුබඳින පිරිස් පිළිබදව හා ඔහු පැහැර ගැනීමට තැත් කළ පිරිස පිළිබඳවද විධිමත් පරීක්ෂණයක් සිදු කරමින් මාධ්‍යවේදීන්ගේ ආරක්ෂාව තහවුරු කිරීම සඳහා ආණ්ඩුවේ ඇති වගකීම ප්‍රදර්ශණය කරන ලෙසත් ඉල්ලා සිටින්නෙමු.

කැඳවුම්කාර මණ්ඩලය වෙනුවෙන්,
 
සුනිල් ජයසේකර(ලේකම්,FMM), ලසන්ත රුහුණගේ (ලේකම්,SWJA)

2012 July 06 දින නිකුත් කරන ලද මාධ්‍ය නිවේදනයකි

Shantha Wijesuriya Issuse July 06

%d bloggers like this: