Featured

Political meddling in artists’ works causes issues – Free Media Movement

cropped-cropped-logo-final1.jpg

2018-August-27

Media Release

FMM wishes to point out that the State’s intervention as regards the recent criticism leveled against many cultural plays and dramas has been done without any knowledge of their contents nor an evaluation. FMM calls upon the relevant parties to refrain from such criticism.
There seems to be political meddling as regards the novel, “Buduge Rasthiaduwa”, the stage play, “Mama Kelin Minihek”, as well as Malaka Dewapriya’s radio teledramas.
Although “Mama Kelin Minihek” had been passed by the Censor Board, subsequent political meddling to ban such works has had a severe impact on the artists concerned.
Also, it is believed, censorship takes place due to pressures exerted by extremist religious groups.
FMM is of the view that artists should not be influenced by such religious beliefs and extremist religious leaders, and there should be no political meddling in the artists’ freedom of expression.
It is the State’s primary responsibility to ensure that there is religious freedom in a democratic society. However it is regrettable that the State has not acted in a manner to safeguard such freedom.
Meanwhile, the Minister of Higher Education and Cultural Affairs, Wijayadasa Rajapakshe has ordered the IGP to file charges and take action against the author and publisher of the novel “Buduge Rasthiyaduwa” under sections 290, 290A, 291A and 291B of the Penal Code.
If a country is of the view that its artists should be disciplined by subjecting them to such criminal charges, it is indeed something most regrettable. We believe such issues should be solved with a more moderate mediation.

 

 

 

 

 

C. Dodawatta Dileeshaa Abesundara
Convener Secretary

 

Advertisements
Featured

ජන මාධ්‍යයට එරෙහි පාතාල හා දේශපාලන තර්ජන හෙළා දකිමු -නිදහස් මාධ්‍ය ව්‍යාපාරය

 

cropped-cropped-logo-final1.jpg

නමගිය අපරාධකරුවන් ලෙස සැලකෙන පුද්ගලයන් සහ දේශපාලන බලවතුන් අතර ඇති සබඳතා හෙළිකරමින් නෙත් එෆ්. එම්. මාධ්‍ය ඔස්සේ පළවූ පුවතක් ගලවා ඉවත් කරන ලෙස පවසමින් තිරසර සංවර්ධන, වන ජිවි සහ ප්‍රාදේශිය සංවර්ධන අමාත්‍ය ෆිල්ඩ් මාර්ෂල් සරත් ෆොන්සේකා මහතා කර ඇති තර්ජනාත්මක මැදිහත්වීම තම වෘත්තීය කටයුතු නිදහසේ කරගෙන යාම සඳහා මාධ්‍ය ආයතනයක් සතු අයිතියට කරන ලද අයුතු බලපෑමක් ලෙස සලකානිදහස් මාධ්‍ය ව්‍යාපාරය ඒ බලපෑම් තරයේ හෙළාදකී.

අපරාධකරුවන් ලෙස සැලකෙන පුද්ගලයන් පිළිබඳ තොරතුරු  සඳහන් වුවත්නෙත් එෆ්. එම්. හි පළවු මෙම පුවතෙහි අමාත්‍යවරයෙකුගේ නමක් සඳහන්ව නොතිබියදී මෙවැනි මැදිහත්වීමක් සිදුවීම විශේෂ තත්ත්වයක් ලෙස සැලකීමට සිදුවේ.

පුවත පළවීමෙන් පසු සෘජුවම  ආයතනයෙහි ප‍්‍රවෘත්ති කළමනාකරු වන හේමන්ත කහවලගේ මහතා අමතමින් අමාත්‍යවරයා මෙම පුවත ගලවා ඉවත්කර ගන්නා ලෙස පවසා ඇත. ඊට ප‍්‍රතිචාර දක්වමින් ප‍්‍රවෘත්ති කළමනාකරු පුවතෙහි නිවැරදි කළයුතු යමක් තිබේනම් ඒ පිළිබඳ ප‍්‍රකාශයක් ලබාදෙන ලෙස ඉල්ලූ විට අමාත්‍යවරයා එම අවස්ථාවද ප‍්‍රතික්ෂේප කරමින් පවසා ඇත්තේ ”හැප්පිලා බලමු”යනුවෙනි. අපරාධකරුවන් ලෙස  පුවතෙහි නම් සඳහන්  අයගෙන් සමාව ගන්නා ලෙසද අමාත්‍යවරයා  මෙහිදී මාධ්‍යවේදියාට පවසා ඇත. හේමන්ත මහතා පවසන පරිදි මීට අදාළව වෙනත් මුද්‍රිත මාධ්‍යයක පළවූ පුවතක් පිළිබඳවද අමාත්‍යවරයා මෙහිදී එවැනිම තර්ජනාත්මක ස්වරයකින් අදහස් පළකර තිබේ.

ඒ හැරුණුවිට අමාත්‍යවරයා මෙම මාධ්‍යවේදීන්ට එරෙහිව කරන ලද වෙනත් චෝදනා, ප්‍රසිද්ධ මාධ්‍යයන්හි පළකර ඇති අතර, එම චෝදනා පදනම් විරහිත බව නෙත් එෆ්.එම්. ආයතනය කරුණු සහිතව පවසයි.මාධ්‍ය භාවිතය සම්බන්ධයෙන්තමන්වෙත එල්ලවන චෝදනා කෙරෙහි අවධානය යොමුකොට නිවැරදිවීම එහී මාධ්‍ය ආයතන සතු වඟකීමකි.

එසේමකිසියම් ප‍්‍රවෘත්තියක සාවද්‍ය තොරතුරු ඇතුලත්ව තිබේනම් එය නිවැරදි කරගැනීමට ප‍්‍රතිචාර දැක්වීමේ අයිතියක්  ඕනෑම පුරවැසියෙකුට තිබේ.එසේ තිබියදීඑම අවස්ථාව ප‍්‍රතික්ෂේප කොට මාධ්‍යවේදීන්ට පදනම් විරහිත චෝදනා කිරීම සහ තර්ජනය කිරීම මෙරට මාධ්‍ය නිදහසට මෙන්ම ප‍්‍රජාතන්ත‍්‍රවාදයට ද එල්ල කරන ප‍්‍රබල අනතුරක් ලෙස නිදහස් මාධ්‍ය ව්‍යාපාරය සලකයි.

එසේම මෙම පුවතට දේශපාලන බලවතුන් හැරුණු විට අපරාධකරුවන් ලෙස සැලකෙන පුද්ගලයන්ද සම්බන්ධව ඇති බැවින් තර්ජනයට ලක්වී ඇති මෙම මාධ්‍යවේදීන්ගේ ආරක්ෂාව පිළිබඳ අවධානය යොමු කරමින් අවශ්‍ය පියවර ගන්නා ලෙස සියලූ වගකිවයුතු අංශවලින් නිදහස් මාධ්‍ය ව්‍යාපාරය ඉල්ලා සිටී.

සි.දොඩාවත්ත                                                          දිලිෂා අබේසුන්දර

කැඳවුම්කරු                                                              ලේකම්

දරීෂා බැස්ටියන්ස් සහ ආතර් වාමනන් මාධ්යයවේදීන්ගේ ආරක්ෂාව තහවුරු කිරීමට වහා පියවර ගත යුතුයි.

cropped-cropped-logo-final1.jpg

05-07-2018

මාධ්‍ය නිවේදනය

නිව්යෝර්ක් ටයිම්ස්  හි පළ වූ මහින්ද රාජපක්ෂ හිටපු ජනාධිපතිවරයාගේ මූල්‍ය ගනුදෙනු පිළිබඳ කරුණු ඇතුළත් ගවේෂණාත්මක  ලිපියක් පදනම් කරගනිමින්, ඒ සඳහා  පහසුකම් සැලසුවේයැයි කියන දරීෂා බැස්ටියන් සහ ආතර් වාමනන්  යන දේශීය මාධ්‍යවේදීන්  නම් කරමින් කාංචන විජේසේකර මන්ත්‍රීවරයා විසින් සිදුකරන ලද ප්‍රකාශය එම මාධ්‍යවේදින්ට අනියමින් සිදුකරන ලද තර්ජනයක් ලෙස සලකන  නිදහස් මාධ්‍ය ව්‍යාපාරය ඔවුන් දෙදෙනාගේ ආරක්ෂාව තහවුරු කිරීමට වහා පියවර ගන්නා ලෙස සියලු වගකිවයුතු පාර්ශව වලින් ඉල්ලා සිටී.

එම ප්‍රකාශය මගින් ජනමාධ්‍යවේදියෙකු සතු අනුලංගනීය අයිතියක් වන තොරතුරු ලබා දීම සහ  ගවේෂණයට සහය වීම යන අයිතීන් අභියෝගයට ලක්කර තිබේ.   එය ඔවුන් දෙදෙනාගේ වෘත්තිමය කටයුතු වලට බාධා කිරීමක් මෙන්ම ඔවුන්ගේ ආරක්ෂාවට ද  තර්ජනයකි.

මෙම සිදුවීමට අදාල නිව්යෝක් ටයිම්ස් හි ලිපියේ අන්තර්ගතය සම්බන්ධයෙන් කිසියම් ගැටලුවක් පවතීනම්  හිටපු ජනාධිපතිවරයා හෝ ඔහුගේ පාර්ශ්වයට ඒ සඳහා මැදිහත් විය හැකි නියමානුකූල ක්‍රමවේද තිබියදී මෙලෙස හැසිරීම මාධ්‍ය නිදහසට එල්ල කළ තර්ජනයක් ලෙසද අපට සැලකීමට සිදුවේ.

ජනමාධ්‍යවේදීන්ට හා ඔවුන්ගේ වෘත්තිමය කටයුතු වලට කුමන හෝ පාර්ශව විසින් බාධා එල්ල කිරීම බිහිසුණු පෙරනිමිත්තක් ලෙස සලකන  නිදහස් මාධ්‍ය ව්‍යාපාරය මෙම මාධ්‍යවේදීන් දෙදෙනාගේ ජීවිත ආරක්ෂාව  තහවුරු කිරීමට අවශ්‍ය පියවර ගන්නා ලෙස අදාළ සියලු   පාර්ශව වලින් ඉල්ලා සිටී.

 

 

 

 

සි.දෙඩාවත්ත

කැදවුම්කරු

 

දිලීෂා අෙබ්සුන්දර

              ෙල්කම්

Featured

නෙත් එෆ්. එම් බැලුම්ගල වැඩසටහනට තොරතුරු දුන් පාර්ශවවලට පොලීස් බලපෑම් එල්ලවීම.

cropped-cropped-logo-final1.jpg

05-07-2018                             මාධ්‍ය නිවේදනය.

පාලිත තෙවරප්පෙරුම නියෝජ්‍ය අමාත්‍යවරයා සම්බන්ධ සිද්ධියක් පිළිබඳව නෙත් එෆ්.එම් ගුවන්විදුලියේ බැලුම්ගල වැඩසටහනෙන් ප්‍රචාරය කිරීමෙන් අනතුරුව එම වැඩසටහනට තොරතුරු ලබා දුන් පාර්ශවකරුවන් වෙත කොල්ලුපිටිය පොලීසිය බලපෑම් එල්ල කරන බව නිදහස් මාධ්‍ය ව්‍යාපාරයට වාර්තා වී තිබේ.   නෙත් එෆ්.එම් සඳහන් කරන පරිදි අදාල වැඩසටහනට තොරතුරු ලබා දුන් අය පිළිබඳව අමාත්‍යවරයා එම ආයතනයෙන් තොරතුරු විමසා ඇති අතර මූලාශ්‍ර හෙලි නොකිරීමේ පදනම මත ඒවා ලබා දී නැත.

ඉන්පසු කිසියම් ආකාරයකින් කොල්ලුපිටිය පොලිසිය නෙත් එෆ් එම් දුරකථන ඇමතුම් ලබා දුන් ශ්‍රාවකයින්  ගණනාවකගේ දුරකථන ඇමතුම් විස්තර ලබා ගෙන ඒ අනුව එම ශ්‍රාවකයින් පොලිසියට කැදවා ඇති බව නෙත් එෆ් එම් කියයි. එම දුරකථන ඇමතුම් විස්තර ලබා ගත් ආකාරය ගැටළුකාරී බව නිදහස් මාධ්‍ය ව්‍යාපාරයේ නිරික්ෂණයයි. මෙහිදී පොලිසිය ක්‍රියාකර ඇති ආකාරය පිළිබදව ජනමාධ්‍ය ආචාර ධර්ම වලට මෙන්ම නිතීමය ක්‍රියාපටිපාටියට ද පටහැනි බව පෙනේ.

මෙම සිදුවීම සිය මූලාශ්‍ර ආරක්ෂා කරගැනීමට මාධ්‍ය ආයතනයක් සතු අයිතිය උල්ලංඝනය කළ අවස්ථාවක් ලෙස නිදහස් මාධ්‍ය ව්‍යාපාරය සළකයි. වඩාත් බරපතල කාරණය වන්නේ ජනමාධ්‍යයකට අදහස් ප්‍රකාශ කිරීම ප්‍රශ්න කිරීම තුළින් පුරවැසියා සතු භාෂණයේ සහ ප්‍රකාශනයේ ව්‍යවස්ථාපිත අයිතියට බලපෑම් කිරීමයි.

කිසියම් මාධ්‍ය අන්තර්ගතයකට ප්‍රතිවිරුද්ධ අදහසක් හෝ මත දැක්වීමක් ඇතිනම් කළ යුත්තේ පිළිතුරු දීමේ අයිතිය භාවිතා කිරීමෙන් ඒ සඳහා ප්‍රතිචාර දැක්වීමයි. එසේ තිබියදී බලපෑම් එල්ල කිරීම කිසිසේත්ම සිදුනොවිය යුත්තක් සේ දකින නිදහස් මාධ්‍ය ව්‍යාපාරය  සළකන්නේ මෙම සිදුවීම මාධ්‍ය නිදහස හා අදහස් දැක්වීමේ පුරවැසි අයිතිය සීමා කිරීමේ අවස්ථාවක් ලෙසටයි. එබැවින් මෙම සිදුවිම  පිළිබද පුළුල් පරික්ෂණයක් පවත්වන ලෙසට නිදහස් මාධ්‍ය ව්‍යාපාරය වගකිව යුතු සියළු පාර්ශව වලින් ඉල්ලා සිටියි.

සී.දොඩාවත්ත                                                                              

දීලීෂා අබේසුන්දර

ලේකම්

කැඳවුම්කරු

 

                                                                     

 

 

 

 

 

 

 

 

 

 

 

 

 

 

ටී.එන්.එල් විකාශනාගාරයට මුද්‍රා තැබීම ගැන රජය වැඩිදුර කරුණු පැහැදිලි කළ යුතුයි.  – නිදහස් මාධ්‍ය ව්‍යාපාරය

06 ජුනි 2018        මාධ්‍ය නිවේදනය                                                                                 

 

ටී.එන්.එල් රූපවාහිනී නාලිකාවට අයත් පොල්ගහවෙල විකාශන මධ්‍යස්ථානය ජනාධිපතිවරයා යටතේ පවතින විදුලි සංදේශ නියාමන කොමිසන් සභාව විසින් සීල් තබනු ලැබ ඇත. මාධ්‍ය නිවේදනයක් නිකුත් කරමින්   විදුලි සංදේශ නියාමන කොමිසන් සභාව ඒ සඳහා හේතුව ලෙස දක්වා ඇත්තේ වාර්ෂික බලපත්‍රයේ ප්‍රකාරව කළයුතු ගෙවීම සිදු නොකිරීම බවයි. එහෙත් සිදුවීම සම්බන්ධයෙන් ටී.එන්.එල් සභාපති ශාන් වික්‍රමසිංහ මහතාගෙන් කරුණු විමසන්නට නිදහස් මාධ්‍ය ව්‍යාපාරය කටයුතු කළ අතර ඔහු සඳහන් කරන ලද්දේ තම ආයතනය 2018 වර්ෂ‍යේ දෙසැම්බර් වනතුරු බදු මුදල් ගෙවා ඇති බවයි. එය විවාද සම්පන්න කරුණක් බැවින් සිදුවීමට අදාල වැඩිමනත් කරුණු තොරතුරු දැනගැනීමේ අයිතිය භාවිතා කරමින් විදුලි සංදේශ නියාමන කොමිසමෙන් විමසන්නට මේ වනවිට නිදහස් මාධ්‍ය ව්‍යාපාරය කටයුතු කරමින් සිටි.

මේ අතර පසුගිය දිනවල ජනාධිපතිවරයා කළ ප්‍රකාශයක්  සිය ප්‍රවෘත්ති විකාශයන්හිදී  දැඩි විවේචනාත්මක ස්වරූපයකින් පල කරන්නට ටී.එන්.එල් නාලිකාව ක්‍රියා කර තිබුණි. එම මාධ්‍ය භාවිතය හා මෙසේ පොල්ගහවෙල විකාශනාගාරය සීල් තැබීම අතර සම්බන්ධයක් ඇතිද යන්න පිළිබඳ මේ මොහොතේ සමාජ කතිකාවක් නිර්මාණය වී තිබේ.මෙලෙස තමන් සම්බන්ධයෙන් විවේචනාත්මකව කටයුතු කරන ජනමාධ්‍ය ආයතන බිය වැද්දීම සඳහා විවිධ උපාය මාර්ග අනුගමනය කිරීමේ අවස්ථාව  කිහිපයක්ම  මෑත වකවානුව තුළ වාර්තා විය. එවැනි බිය වැද්දීම්, තර්ජනය කිරීම් හා බාධා කිරීම් මෙරට ප්‍රජාතන්ත්‍රවාදයේ යහපැවැත්මට හිතකර නොවන බව නිදහස් මාධ්‍ය ව්‍යාපාරය දැඩිව කියා සිටී.  මෙම සිදුවීමද නීතිය ඉදිරියට දමා සිදුකළ ඉහත ආකාරයේ බාධා කිරීමක්ද යන සැකය සමාජයේ මතුවී ඇත්තේ පෙර අත්දැකීම් නිසාය . එබැවින් ශ්‍රී ලංකාවෙහි වඩා උසස් මාධ්‍ය සංස්කෘතියක් සේම උසස් දේශපාලන සංස්කෘතියක්ද නිර්මාණය වීම අත්‍යවශ්‍ය බව කල්පනා කරන නිදහස් මාධ්‍ය ව්‍යාපාරය ඒ සඳහා බලපෑම් කරමින් මෙම සිදුවීමට අදාළ සියලු කරුණු ඉතාමත් සැළකිල්ලෙන් අධ්‍යනය කරමින් සිටී. එහිදී ජනමාධ්‍ය අමාත්‍යංශයද මේ පිළිබඳ වැඩිදුර කරුණු පැහැදිලි කිරීමක් රට හමුවේ තබනු ඇතැයි නිදහස් මාධ්‍ය ව්‍යාපාරය වැඩිදුරටත් අපේක්ෂා කරයි.

කැඳවුම්කරු                                                            ලේකම්
සි දොඩාවත්ත                                                    
     දිලීෂා අබේසුන්දර