දරීෂා බැස්ටියන්ස් සහ ආතර් වාමනන් මාධ්යයවේදීන්ගේ ආරක්ෂාව තහවුරු කිරීමට වහා පියවර ගත යුතුයි.

cropped-cropped-logo-final1.jpg

05-07-2018

මාධ්‍ය නිවේදනය

නිව්යෝර්ක් ටයිම්ස්  හි පළ වූ මහින්ද රාජපක්ෂ හිටපු ජනාධිපතිවරයාගේ මූල්‍ය ගනුදෙනු පිළිබඳ කරුණු ඇතුළත් ගවේෂණාත්මක  ලිපියක් පදනම් කරගනිමින්, ඒ සඳහා  පහසුකම් සැලසුවේයැයි කියන දරීෂා බැස්ටියන් සහ ආතර් වාමනන්  යන දේශීය මාධ්‍යවේදීන්  නම් කරමින් කාංචන විජේසේකර මන්ත්‍රීවරයා විසින් සිදුකරන ලද ප්‍රකාශය එම මාධ්‍යවේදින්ට අනියමින් සිදුකරන ලද තර්ජනයක් ලෙස සලකන  නිදහස් මාධ්‍ය ව්‍යාපාරය ඔවුන් දෙදෙනාගේ ආරක්ෂාව තහවුරු කිරීමට වහා පියවර ගන්නා ලෙස සියලු වගකිවයුතු පාර්ශව වලින් ඉල්ලා සිටී.

එම ප්‍රකාශය මගින් ජනමාධ්‍යවේදියෙකු සතු අනුලංගනීය අයිතියක් වන තොරතුරු ලබා දීම සහ  ගවේෂණයට සහය වීම යන අයිතීන් අභියෝගයට ලක්කර තිබේ.   එය ඔවුන් දෙදෙනාගේ වෘත්තිමය කටයුතු වලට බාධා කිරීමක් මෙන්ම ඔවුන්ගේ ආරක්ෂාවට ද  තර්ජනයකි.

මෙම සිදුවීමට අදාල නිව්යෝක් ටයිම්ස් හි ලිපියේ අන්තර්ගතය සම්බන්ධයෙන් කිසියම් ගැටලුවක් පවතීනම්  හිටපු ජනාධිපතිවරයා හෝ ඔහුගේ පාර්ශ්වයට ඒ සඳහා මැදිහත් විය හැකි නියමානුකූල ක්‍රමවේද තිබියදී මෙලෙස හැසිරීම මාධ්‍ය නිදහසට එල්ල කළ තර්ජනයක් ලෙසද අපට සැලකීමට සිදුවේ.

ජනමාධ්‍යවේදීන්ට හා ඔවුන්ගේ වෘත්තිමය කටයුතු වලට කුමන හෝ පාර්ශව විසින් බාධා එල්ල කිරීම බිහිසුණු පෙරනිමිත්තක් ලෙස සලකන  නිදහස් මාධ්‍ය ව්‍යාපාරය මෙම මාධ්‍යවේදීන් දෙදෙනාගේ ජීවිත ආරක්ෂාව  තහවුරු කිරීමට අවශ්‍ය පියවර ගන්නා ලෙස අදාළ සියලු   පාර්ශව වලින් ඉල්ලා සිටී.

 

 

 

 

සි.දෙඩාවත්ත

කැදවුම්කරු

 

දිලීෂා අෙබ්සුන්දර

              ෙල්කම්

Advertisements
Featured

Police Intimidation to the parties who provided information to the “Balumgala” program of “Neth FM”

cropped-cropped-logo-final1.jpg

2018 July 05

Media Release

It is reported to Free Media Movement (FMM), after “Neth FM” broadcasting a program over Balumgala, on an incident regarding Deputy Minister Palitha Theverapperuma, the Kollupitiya Police has taken action against those parties who provided information for the program. According to “Neth FM” the Deputy Minister has inquired them about those parties who provided information for the program, but they have not released the sources of information according to media ethics.

According to the above radio channel, however, the Kollupitiya Police has obtained information about telephone calls received by “Neth FM” from its listeners, and those listeners have been asked to report to the police station. FMM  observes, obtaining such information is questionable. It also notes that the action taken by the police is against media ethics and legal procedures.

The FMM believes that this incident is against the right to protect the sources who provided information to a media organization. The most important fact is questioning a media organization its right to express views and thereby affecting the citizens’ statutory right to speech and publication.

If there is a different opinion or a view to a media information, using the right to reply and respond to it, in media, is the appropriate action. As such FMM believes this incident can be described as obstructing the media freedom and limiting citizen’s right to express its views. FMM requests all those who are responsible, to conduct a complete inquiry with respect to the above incident.

 

C Dodawatta

Convener

Dilisha Abesundara

Secretary

 

Featured

නෙත් එෆ්. එම් බැලුම්ගල වැඩසටහනට තොරතුරු දුන් පාර්ශවවලට පොලීස් බලපෑම් එල්ලවීම.

cropped-cropped-logo-final1.jpg

05-07-2018                             මාධ්‍ය නිවේදනය.

පාලිත තෙවරප්පෙරුම නියෝජ්‍ය අමාත්‍යවරයා සම්බන්ධ සිද්ධියක් පිළිබඳව නෙත් එෆ්.එම් ගුවන්විදුලියේ බැලුම්ගල වැඩසටහනෙන් ප්‍රචාරය කිරීමෙන් අනතුරුව එම වැඩසටහනට තොරතුරු ලබා දුන් පාර්ශවකරුවන් වෙත කොල්ලුපිටිය පොලීසිය බලපෑම් එල්ල කරන බව නිදහස් මාධ්‍ය ව්‍යාපාරයට වාර්තා වී තිබේ.   නෙත් එෆ්.එම් සඳහන් කරන පරිදි අදාල වැඩසටහනට තොරතුරු ලබා දුන් අය පිළිබඳව අමාත්‍යවරයා එම ආයතනයෙන් තොරතුරු විමසා ඇති අතර මූලාශ්‍ර හෙලි නොකිරීමේ පදනම මත ඒවා ලබා දී නැත.

ඉන්පසු කිසියම් ආකාරයකින් කොල්ලුපිටිය පොලිසිය නෙත් එෆ් එම් දුරකථන ඇමතුම් ලබා දුන් ශ්‍රාවකයින්  ගණනාවකගේ දුරකථන ඇමතුම් විස්තර ලබා ගෙන ඒ අනුව එම ශ්‍රාවකයින් පොලිසියට කැදවා ඇති බව නෙත් එෆ් එම් කියයි. එම දුරකථන ඇමතුම් විස්තර ලබා ගත් ආකාරය ගැටළුකාරී බව නිදහස් මාධ්‍ය ව්‍යාපාරයේ නිරික්ෂණයයි. මෙහිදී පොලිසිය ක්‍රියාකර ඇති ආකාරය පිළිබදව ජනමාධ්‍ය ආචාර ධර්ම වලට මෙන්ම නිතීමය ක්‍රියාපටිපාටියට ද පටහැනි බව පෙනේ.

මෙම සිදුවීම සිය මූලාශ්‍ර ආරක්ෂා කරගැනීමට මාධ්‍ය ආයතනයක් සතු අයිතිය උල්ලංඝනය කළ අවස්ථාවක් ලෙස නිදහස් මාධ්‍ය ව්‍යාපාරය සළකයි. වඩාත් බරපතල කාරණය වන්නේ ජනමාධ්‍යයකට අදහස් ප්‍රකාශ කිරීම ප්‍රශ්න කිරීම තුළින් පුරවැසියා සතු භාෂණයේ සහ ප්‍රකාශනයේ ව්‍යවස්ථාපිත අයිතියට බලපෑම් කිරීමයි.

කිසියම් මාධ්‍ය අන්තර්ගතයකට ප්‍රතිවිරුද්ධ අදහසක් හෝ මත දැක්වීමක් ඇතිනම් කළ යුත්තේ පිළිතුරු දීමේ අයිතිය භාවිතා කිරීමෙන් ඒ සඳහා ප්‍රතිචාර දැක්වීමයි. එසේ තිබියදී බලපෑම් එල්ල කිරීම කිසිසේත්ම සිදුනොවිය යුත්තක් සේ දකින නිදහස් මාධ්‍ය ව්‍යාපාරය  සළකන්නේ මෙම සිදුවීම මාධ්‍ය නිදහස හා අදහස් දැක්වීමේ පුරවැසි අයිතිය සීමා කිරීමේ අවස්ථාවක් ලෙසටයි. එබැවින් මෙම සිදුවිම  පිළිබද පුළුල් පරික්ෂණයක් පවත්වන ලෙසට නිදහස් මාධ්‍ය ව්‍යාපාරය වගකිව යුතු සියළු පාර්ශව වලින් ඉල්ලා සිටියි.

සී.දොඩාවත්ත                                                                              

දීලීෂා අබේසුන්දර

ලේකම්

කැඳවුම්කරු

 

                                                                     

 

 

 

 

 

 

 

 

 

 

 

 

 

 

ටී.එන්.එල් විකාශනාගාරයට මුද්‍රා තැබීම ගැන රජය වැඩිදුර කරුණු පැහැදිලි කළ යුතුයි.  – නිදහස් මාධ්‍ය ව්‍යාපාරය

06 ජුනි 2018        මාධ්‍ය නිවේදනය                                                                                 

 

ටී.එන්.එල් රූපවාහිනී නාලිකාවට අයත් පොල්ගහවෙල විකාශන මධ්‍යස්ථානය ජනාධිපතිවරයා යටතේ පවතින විදුලි සංදේශ නියාමන කොමිසන් සභාව විසින් සීල් තබනු ලැබ ඇත. මාධ්‍ය නිවේදනයක් නිකුත් කරමින්   විදුලි සංදේශ නියාමන කොමිසන් සභාව ඒ සඳහා හේතුව ලෙස දක්වා ඇත්තේ වාර්ෂික බලපත්‍රයේ ප්‍රකාරව කළයුතු ගෙවීම සිදු නොකිරීම බවයි. එහෙත් සිදුවීම සම්බන්ධයෙන් ටී.එන්.එල් සභාපති ශාන් වික්‍රමසිංහ මහතාගෙන් කරුණු විමසන්නට නිදහස් මාධ්‍ය ව්‍යාපාරය කටයුතු කළ අතර ඔහු සඳහන් කරන ලද්දේ තම ආයතනය 2018 වර්ෂ‍යේ දෙසැම්බර් වනතුරු බදු මුදල් ගෙවා ඇති බවයි. එය විවාද සම්පන්න කරුණක් බැවින් සිදුවීමට අදාල වැඩිමනත් කරුණු තොරතුරු දැනගැනීමේ අයිතිය භාවිතා කරමින් විදුලි සංදේශ නියාමන කොමිසමෙන් විමසන්නට මේ වනවිට නිදහස් මාධ්‍ය ව්‍යාපාරය කටයුතු කරමින් සිටි.

මේ අතර පසුගිය දිනවල ජනාධිපතිවරයා කළ ප්‍රකාශයක්  සිය ප්‍රවෘත්ති විකාශයන්හිදී  දැඩි විවේචනාත්මක ස්වරූපයකින් පල කරන්නට ටී.එන්.එල් නාලිකාව ක්‍රියා කර තිබුණි. එම මාධ්‍ය භාවිතය හා මෙසේ පොල්ගහවෙල විකාශනාගාරය සීල් තැබීම අතර සම්බන්ධයක් ඇතිද යන්න පිළිබඳ මේ මොහොතේ සමාජ කතිකාවක් නිර්මාණය වී තිබේ.මෙලෙස තමන් සම්බන්ධයෙන් විවේචනාත්මකව කටයුතු කරන ජනමාධ්‍ය ආයතන බිය වැද්දීම සඳහා විවිධ උපාය මාර්ග අනුගමනය කිරීමේ අවස්ථාව  කිහිපයක්ම  මෑත වකවානුව තුළ වාර්තා විය. එවැනි බිය වැද්දීම්, තර්ජනය කිරීම් හා බාධා කිරීම් මෙරට ප්‍රජාතන්ත්‍රවාදයේ යහපැවැත්මට හිතකර නොවන බව නිදහස් මාධ්‍ය ව්‍යාපාරය දැඩිව කියා සිටී.  මෙම සිදුවීමද නීතිය ඉදිරියට දමා සිදුකළ ඉහත ආකාරයේ බාධා කිරීමක්ද යන සැකය සමාජයේ මතුවී ඇත්තේ පෙර අත්දැකීම් නිසාය . එබැවින් ශ්‍රී ලංකාවෙහි වඩා උසස් මාධ්‍ය සංස්කෘතියක් සේම උසස් දේශපාලන සංස්කෘතියක්ද නිර්මාණය වීම අත්‍යවශ්‍ය බව කල්පනා කරන නිදහස් මාධ්‍ය ව්‍යාපාරය ඒ සඳහා බලපෑම් කරමින් මෙම සිදුවීමට අදාළ සියලු කරුණු ඉතාමත් සැළකිල්ලෙන් අධ්‍යනය කරමින් සිටී. එහිදී ජනමාධ්‍ය අමාත්‍යංශයද මේ පිළිබඳ වැඩිදුර කරුණු පැහැදිලි කිරීමක් රට හමුවේ තබනු ඇතැයි නිදහස් මාධ්‍ය ව්‍යාපාරය වැඩිදුරටත් අපේක්ෂා කරයි.

කැඳවුම්කරු                                                            ලේකම්
සි දොඩාවත්ත                                                    
     දිලීෂා අබේසුන්දර