මාධ්‍යවේදීනට මරණ තර්ජන කරන ඊනියා “රට රැකගත් දේශප්‍රේමී බලකාය” බුද්ධි අංශයේ අතකොළුවකි – FMM

1413450556

(ඡායාරෑපය, මාධ්‍යවේදීන් සදහා වැඩසටහන පැවැත්වීමට නියමිතව තිබු, කොළඹ ජානකී හෝටලයේ, පාලනාධිකාරයට තර්ජනය කරමින් එම හෝටලය ඉදිරිපිට දමාගොස් තිබූ තර්ජනාත්මක පෝස්ටරය)

“රට රැකගත් දේශප්‍රේමී බලකාය” නමින් තමන් හඳුන්වාගන්නා කණ්ඩායමක් මෙරට ජනමාධ්‍යවේදීන් සහ ජනමාධ්‍ය පුහුණු වැඩසටහන් මෙහෙයවන සිවිල් සංවිධාන ඉලක්ක කරගනිමින් සිදුකරන මරණ තර්ජන දැඩි ලෙස හෙළාදකිමින් නිදහස් මාධ්‍ය ව්‍යාපාරය විසින් මාධ්‍ය නිවේදනයක් නිකුත් කර තිබේ. එම තර්ජන එල්ල කළ පිරිසට එරෙහිව රටේ නීතිය ක්‍රියාත්මක කර, තම අනුග්‍රහය ඔවුන් වෙත නොමැති බව ප්‍රදර්ශනය කරන ලෙස ශ්‍රී ලංකා රජයෙන් තරයේ ඉල්ලා සිටින බව ඒම නිවේදනය මගින් නිදහස් මාධ්‍ය ව්‍යාපාරය වැඩිදුරටත් පවසා සිටිියි.

#පහත පලවන්ෙන් ඒම සම්පූර්ණ මාධ්‍ය නිවේදනයයි.

[මාධ්‍ය නිවේදනය] 2014 ඔක්තෝබර් 17


මාධ්‍යවේදීනට මරණ තර්ජන කරන ඊනියා “රට රැකගත් දේශප්‍රේමී බලකාය” බුද්ධි අංශයේ අතකොළුවකි

“රට රැකගත් දේශප්‍රේමී බලකාය” නමින් තමන් හඳුන්වාගන්නා කණ්ඩායමක් මෙරට ජනමාධ්‍යවේදීන් සහ ජනමාධ්‍ය පුහුණු වැඩසටහන් මෙහෙයවන සිවිල් සංවිධාන ඉලක්ක කරගනිමින් සිදුකරන මරණ තර්ජන දැඩි ලෙස හෙළාදකින නිදහස් මාධ්‍ය ව්‍යාපාරය, මෙම තර්ජන එල්ල කළ පිරිසට එරෙහිව රටේ නීතිය ක්‍රියාත්මක කර, තම අනුග්‍රහය ඔවුන් වෙත නොමැති බව ප්‍රදර්ශනය කරන ලෙස ශ්‍රී ලංකා රජයෙන් තරයේ ඉල්ලා සිටී.

ට්‍රාන්ස්පේරන්සි ඉන්ටනැෂනල් ආයතනය සංවිධානය කළ ජනමාධ්‍යවේදීන් පුහුණු කිරීමේ වැඩසටහන්වලට සහභාගී වූ ප්‍රාදේශීය ජනමාධ්‍යවේදීන් පිරිසකට සහතික පත් බෙදාදීමේ උත්සවයක් පසුගිය 15 වැනිදා කොළඹදී පැවැත්වීමට සංවිධානය කර තිබියදී එයට සහභාගී වීමට නියමිතව සිටි සහ එයට සහභාගී වූ මාධ්‍යවේදීන්ට දිගින් දිගටම මරණ තර්ජන එල්ල වි ඇති අතර එයට අමතරව අදාළ වැඩසටහනේ සංවිධායකයන්ට මෙන්ම ඔවුන්ගේ පවුල්වල සාමාජිකයන්ටද තර්ජන එල්ල කර ඇත. මේ ආකාරයට තර්ජන එල්ල වූ අය අතර ජයසිරි ජයසේකර, ජනුර් කිචිලාන් සහ අමදෝරු අමරජීව යන මාධ්‍යවේදීහු වෙති. එයට අමතරව මෙම වැඩසටහනේ සංවිධයක ශාන් විජේතුංගට සහ ආරාධිත දේශකයෙකු ලෙස එයට සහභාගී වූ රාවය උපදේශක කතෘ වික්ටර් අයිවන් මහතාටද තර්ජනාත්මක දුරකථන සහ කෙටි පණිවිඩ ලැබී ඇත.

රටක ප්‍රජාතන්ත්‍රවාදය ශක්තිමත් කිරීම සඳහා ප්‍රබල කුලුනක් ලෙස ක්‍රියාකරන ජනමාධ්‍ය ක්ෂේත්‍රයේ කටයුතු කරන ජනමාධ්‍යවේදීන්ට මේ ආකාරයට මරණ තර්ජන එල්ල කරන ත්‍රස්ත කල්ලි රජ කරන රටක ඒ පිළිබඳව කිසිඳු ක්‍රියාමාර්ගයක් නොගැනීම තුළින් රජය හා ආරක්ෂක අංශ ප්‍රදර්ශනය කරමින් සිටින්නේ ප්‍රජාතන්ත්‍රවාදය හා ජනමාධ්‍ය නිදහස කෙරෙහි ඔවුන් තුළ පවත්නා භීතියයි. ශ්‍රී ලංකාවේ ආරක්ෂක අංශයන්ට වසන් වී මේ ආකාරයට මාධ්‍යවේදීන්ට හා සිවිල් ක්‍රියාකාරීන්ට තර්ජන එල්ල කිරීමට කිසිවෙකුට හැකියාවක් ඇතැයි විශ්වාස නොකරන අපි, ඉතාමත් අවධාරණයෙන් යුතුව ප්‍රකාශ කරන්නේ මෙම “රට රැකගත් දේශප්‍රේමී බලකාය ” ද මේ රටේ බුද්ධි අංශයන්හි රැකවරණය ලබන තවත් රූකඩ ඒකකයක් බවය.

මෙම පුහුණුවට සහභාගී වූ මාධ්‍යවේදීන් රාජ්‍ය මාධ්‍යද ඇතුළුව මුද්‍රිත සහ විද්‍යුත් මාධ්‍ය සදහා විවිධ ප්‍රදේශවල සිට ඉතා දුෂ්කර තත්ත්වයන් යටතේ දිගු කාලයක් තිස්සේ පොදු ජන සේවයක නිරත වූ පිරිසක් වන අතර, එබදු පිරිසකට එල්.ටී.ටී.ඊ ලේබලය අළවමින් මේ ඊනියා දේශප්‍රේමී බලකාය පසුපස සිටින්නන් විසින් කළ අවමානය අපි බලවත් පිළිකුළෙන් හෙළාදකිමු.

එබැවින් අප මේ මොහොතේ රජයෙන් ඉල්ලා සිටින්නේ මෙම ක්‍රියාදාමයට රජයේ අනුග්‍රහයක් නොමැති නම් මෙවැනි පිරිස්වලට එරෙහිව නීතිය ක්‍රියත්මක කර, ඒ බව ක්‍රියාවෙන් ප්‍රදර්ශනය කරන ලෙසය.

එයට අමතරව නිතිය හා සාමය අගයන සියලු සිවිල් සංවිධානවලින් සහ මහජනතාවගෙන් අප ඉල්ලා සිටින්නේ මෙවන් ත්‍රස්ත කල්ලිවලට එරහිව අත්වැල් බැඳගන්නා ලෙසය.

එමෙන්ම තමන්ට එරහිව බරපතළ තර්ජන එල්ලවෙමින් තිබෙන පසුබිමක එයට මුහුණදීමට සහ මාධ්‍ය නිදහස උදෙසා පෙනීසිටීම සඳහා පිහිටුවා ගත් ගවේෂණාත්මක මාධ්‍යවේදීන්ගේ ජාලයට සහ එහි සියලුම සාමාජිකයන්ට අපගේ සහෝදරාත්මක සුබපැතුම් පිළිගන්වන්නෙමු.

සුනිල් ජයසේකර, සම්පත් සමරකෝන්
කැදවුම්කරු ,ලේකම්

1080 Journalists Killed since 1992 | Srilanka 19

cpj
20 Deadliest Countries

Iraq: 166
Philippines: 76
Syria: 72
Algeria: 60
Pakistan: 56
Russia: 56
Somalia: 53

Colombia: 45
India: 32
Mexico: 30
Brazil: 29
Afghanistan: 26
Turkey: 20
Sri Lanka: 19

Bosnia: 19
Tajikistan: 17
Rwanda: 17
Israel and the Occupied Palestinian Territory: 16
Sierra Leone: 16
Bangladesh: 15

More Read @CPJ

‘මාධ්‍යවේදීන්ට මැර ප්‍රහාර, නීතිඥයින්ට මැර තර්ජන‘

800

සිරස මාධ්‍යවේදී චන්දන කුරුප්පුආරච්චි ට හාළිඇලදී එල්ල කල මැර ප්‍රහාරය සහ පසුගිය දිනවල ශ්‍රී ලංකා නීතිඥ සංගමයේ සභාපති, නීතිඥ උපුල් ජයසූරියට සහ නීතිඥ මංජුල පතිරාජ, නීතිඥ නාමල් රාජපක්ෂ ට එල්ල කළ මැර තර්ජනවලට විරෝධය දක්වමින් නිදහස් මාධ්‍ය ව්‍යාපාරය විසින් අද(02) කොළඹ දී විරෝධතාවයක් සංවිධානය කර තිබිණි.

දේශපාලන නායකයින්, සිවිල් සංවිධාන නායකයින්, මාධ්‍ය සංවිධාන ක්‍රියාකාරීන් සහ ප්‍රජාතන්ත්‍රවාදය,මානව හිමිකම් අගයන විශාල පුරවැසියන් පිරිසක් සහභාගී වී සිටි එම විරෝධතාවය ට සහභාගී වී සිටියේ ය.

එම විරෝධතාවයේ දී අදහස් දැක්වූ නිදහස් මාධ්‍ය ව්‍යාපාරයේ කැදවුම්කරු සුනිල් ජයසේකර අදහස් දක්වමින් ප්‍රකාශ කළේ, පසුගිය කාලයේ ජනමාධ්‍ය ආයතනවලට, ජනමාධ්‍යවේදීන්ට, එල්ල කළ තර්ජන, මේවන විට ප්‍රාදේශීය ජනමාධ්‍යවේදීන්ටත් එල්ල වී ඇති බවත්, එපමණක් නොවේ, ලංකාවේ නීතිඥ ප්‍රජාවටත් එම තර්ජනයන් එල්ල වී තිබීම ලංකාවේ ප්‍රජාතන්ත්‍රවාදයටත්, මාධ්‍ය නිදහසටත් බරපතල තර්ජනයක් බවයි.

@Vikalpa

දුෂ්ඨ අරමුණ පරාජය කිරීම සදහා පෙළ ගැසෙමු!

n

[මාධ්‍ය නිවේදනය] 2014 ජුලි 08

2014 ජුලි 01 දාතමින් රාජ්‍ය ආරක්ෂක හා නාගරික සංවර්ධන අමාත්‍යංශයේ අධ්‍යක්ෂක/ලේඛකාධිකාරී ඩි.එම්.එස්.දිසානායක නමින් නිකුත් කරන ලද චක්‍රලේඛනය මගින් මෙතෙක් ශ්‍රී ලංකාවේ සිවිල් හා රාජ්‍ය නොවන සංවිධාන භුක්ති විඳි මුලික මානව අයිතිවාසිකමක් උදුරා ගැනීමට ගනු ලබන උත්සාහයට නිදහස් මාධ්‍ය ව්‍යාපාරය බලවත් ලෙස විරෝධය පළකරන අතර ප්‍රජාතන්ත්‍රවාදය සහ නිදහස අගයන සියලු සංවිධාන සහ පුරවැසියන් එයට එරෙහිව පෙළගැසීමට කාලය එළඹ ඇති බව අවධාරණය කරනු කැමත්තෙමු.

මෙම චක්‍රලේඛය මගින් කියවෙන්නේ සමහර රාජ්‍ය නොවන සංවිධාන ඒවායේ බලාධිකාරයට අයත් නොවන ක්‍රියාවන්හි නිරත වන බවත් වහාම එම කටයුතුවලින් වැළකිය යුතු බවත්ය. එම ක්‍රියාවන් ලෙස මෙම චක්‍රලේඛය දක්වන්නේ පුවත්පත් සාකච්ඡා පැවැත්වීම, මාධ්‍ය නිවේදන නිකුත් කිරීම, මාධ්‍යවේදීන් සඳහා පුහුණු වැඩමුළු පැවැත්වීම යනාදිය යි.

ඒ අනුව මෙම චක්‍රලේඛය මගින් සිදුකරන්නේ ශ්‍රී ලංකාවේ ආණ්ඩුක‍්‍රම විව්‍යස්ථාව මගින් පුරවැසියන්ට තහවරු කර ඇති ප්‍රකාශනයේ සහ සමාගමයේ නිදහස යන මුලික මානව හිමිකම් එක එල්ලේම උල්ලංඝනය කිරීමකි. අනෙක් අතට මුලික මානව හිමිකම් ගණයට අයත් හිමිකම් හුදෙක් චක්‍රලේඛයක් මගින් අහෝසි කළ නොහැකිය. අතිවිශේෂ තත්ත්වයක් යටතේ වුවද එවැනි පියවරක් ගත හැක්කේ පාර්ලිමේන්තුවට පමණක් බව ආරක්ෂක අමාත්‍යාංශයේ ඉහළ නිලධාරින් නොදැන සිටියේ ද, නොඑසේනම් ඔවුන් සිතාමතාම සිදුකර ඇත්තේ මේ රටේ ආණ්ඩුක‍්‍ර ව්‍යස්ථාවට අපහාස කිරීමකි.
අනෙක් අතට රාජ්‍ය නොවන සංවිධාන යනු මෙරට පුරවැසියන්ගේ සංවිධාන වන අතර පුරවැසියන්ට අයත් සියලු අයිතීන් ඒවාට ද හිමිය. එබැවින් මෙම චක්‍රලේඛණය සහමුලින්ම නීතිවිරෝධී බව අවධාරණය කරන අප වැඩිදුරටත් සඳහන් කරන්නේ මෙම චක්‍රලේඛය මගින් රටේ ඕනෑම පුරවැසියෙකුගේ ඕනෑම අදහස් පළකිරීමකට වුව ද යොදාගැනීමේ අනතුර ඇති බවය. එමෙන්ම මෙම චක්‍රලේඛය එක්සත් ජාතීන්ගේ සංවිධානය හරහා ශ්‍රී ලංකාව අන්තර්ජාතික වශයෙන් බැඳී සිටින මානව හිමිකම් ප්‍රඥප්තීන් ගණනාවක්ම උල්ලංඝනය කරයි.

එබැවින් අප අවධාරණය කරන්නේ මෙම චක්‍රලේඛය ශ්‍රී ලංකාව ඒකාධිපති රාජ්‍යයක් බවට පරිවර්තනය කිරීමේ තවත් එක් පියවරක් බවය, එබැවින් මෙම දුෂ්ට අරමුණ පරාජය කිරීම සඳහා පෙළගැසීම සමස්ත ශ්‍රී ලාංකීය ජාතිය සතු පරම වගකීම බව මේ මොහොතේ සිහිපත් කරනු කැමැත්තෙමු.

නිකුත් කරන ලද චක්‍රලේඛනය මගින් මෙතෙක් ශ්‍රී ලංකාවේ සිවිල් හා රාජ්‍ය නොවන සංවිධාන භුක්ති විඳි මුලික මානව අයි… by Sampath Samarakoon

නිදහස් මාධ්‍ය ව්‍යාපාරයට නව නිළධාරි මණ්ඩලයක්

FMM Logo
නිදහස් මාධ්‍ය ව්‍යාපාරයේ, 2014/2015 වසර සදහා නව නිළධාරි මණ්ඩලය පසුගිය මැයි 30 වනදා, කොළඹ පුවත්පත් මණ්ඩල ශ්‍රවණාගාරයේ පැවති මහසභාවේදී තෝරා පත් කර ගන්නා ලදි.

පහත දැක්වෙන්නේ එම නව නිළධාරි මණ්ඩලයයි.

කැදවුම්කරැ – සුනිල් ජයසේකර
ලේකම් – සම්පත් සමරකෝන්
භාණ්ඩාගාරික – සුජීව සෙනරත්
උපලේකම් – දිලීෂා අබේසුන්දර

විධායක කමිටුව

සමන් සී ලියනගේ
සීතා රංජනී
සී. දොඩාවත්ත
උදය කලුපතිරණ
බී.එම්. මුර්ෂිඩීන්
ආනන්ද ජයසේකර
ජයසිරි ජයසේකර
මංජුල බස්නායක
විරංජන හේරත්

භාරකරැවන්

සී.ජේ අමරතුංග
චූලවංශ සිරිලාල්

@FMM

New Office Bearers of the Free Media Movement 2014 – 2015

FMM Logo

The Free Media Movement of Sri Lanka held its 22nd Annual General Meeting (AGM) on 30th May 2014 and elected new office bearers for the one year period of May 2014 – May 2015.

The AGM was held at the Sri Lanka Press Institute Auditorium (SLPI).

New office bearers are follows:

Convener – Sunil Jayasekara
Secretary – Sampath Samarakoon
Treasurer – Sujeewa Senarath
Asst. Secretary – Dileesha Abeysundara

Executive Committee Members

1. Saman C. Liyanage
2. Seetha Ranjanee
3. C. Dodawatta
4. Udaya Kalupathirana
5. B. M Murishideen
6. Ananda Jayasekara
7. Jayasiri Jayasekara
8. Manjula Basnayake
9. Viranjana Herath

Trustees

C.J. Amaratunga
Chulavansha Sirilal

@FMM

ලෝක ජනමාධ්‍ය දිනය සැමරුම් දෙසුම සඳුදා

නිදහස් මාධ්‍ය ව්‍යාපාරය සහ ශ්‍රී ලංකා පුවත්පත්ආයතනය එකාබද්ධව සංවිධානය කරන 2014 ලෝක ජනමාධ්‍ය දින සැමරුම් දෙසුම මාර්තු මස 05 වන දින සවස 4.30 කොළඹ 05 ෆ්යිප් පාරේ පිහිටි ජානකී හෝටලයේදී පැවැත්වීමට කටයුතු යොදා ඇත.

“මාධ්‍යයේ දුර්දශාව සහ ප්‍රජාතන්ත්‍රවාදී ආණ්ඩුකරණය ” මැයෙන් ශ්‍රී ලංකා නීතිඥ සංගමයේ සභාපති උපුල් ජයසූරිය මහතා විසින් එහිදී ප්‍රධාන දෙසුමපැවත්වීමට ආරාධනා ලැබ ඇති අතර දකුණු ආසියා නිදහස් මාධ්‍ය සංවිධානයේ ශ්‍රී ලංකා පාර්ශවයේ සභාපති ලක්ෂ්මන් ගුණසේකර මහතා මුලසුන දරන මෙම විශේෂ සභාවේදී ශ්‍රී ලංකා කර්තෘ සංසදය නියෝජනය කරමින් ද අයිලන්ඩ් ඉරිදා කර්තෘ මනික් ද සිල්වා සහ ශ්‍රී ලංකා පුවත්පත් ආයතනයේ සභාපති කුමාර් නඩේසන් මහත්වරුන්ද එහිදී අදහස් දැක්වීමට නියමිතය.

PF Day Pach

Follow

Get every new post delivered to your Inbox.